Sámi

Advokáhtaidsearvi

Advokáhtaidsearvi lea advokáhtaid ja advokáhtadoaimmaheddjiid ámmátčehppodat- ja beroštusorganisašuvdna Norggas. Ovttas miellahtuiguin ja luohttevašolbmuiguin bargá Advokáhtaidsearvi advokáhtaseahtu ovddas mas lea alla fágalaš standárda, buorre fidnoetihkka ja buori rámmaeavttut. Advokáhtaidsearvvis bargá viidát ovddideames riektesihkarvuođa ja buori riektestáhtalaš prinsihpaid, ja lea miellahtuideamet njunuš sajádat riektepolitihkalaš   beroštumi  várás.

Advokáhtaidsearvi bargá hukset buori vuogádagaid ja čovdosiid mat galget leat ávkkálačča ja veahkkin advokáhtaid árgabeaivvis. Mii juohkit individuála rávvagiid advokáhttadoaimma álggaheami oktavuođas, doaimma doaimmaheami birra ja áigeguovdilis njuolggadusrievdadusaid.

Mii beaivválaččat bargat fuomášuhttimis advokáhtaid árvoháhkama servodagas, rekrutteret eanet geain livčče attáldagat advokáhtasuorggis bargat ja doarjut advokáhtaid fágalaš ovdáneami ja sosiála searvevuođa.

Gitta jagi 1908 rájes lea Advokáhtaidsearvi bargan ahte nannet doahttaleami ja luohttevašvuođa maid buot advokáhtat dárbbašit, ja mii dagaha ahte sii leat rámis go besset bargat advokáhttan.

Leat miellahttun Norgga Advokáhtaidsearvvis (MNA) lea kvalitehtasteampal mii čájeha ahte advokáhtta lea gullevaš rámis bargoskihpárlaš searvevuhtii. Advokáhtta bidjá garra gáibádusaid iežas fágalaš ja fidnoehtalaš standárdii – ja ollašuhttá maiddái ieš daid gáibádusaid.

Miellahttuvuohta Advokáhtaidsearvvis lea eaktodáhtolaš, muhto badjel 90 % buot norgga advokáhtain leat searvvi miellahttun.

Gáibádusat iežamet miellahtuide

Advokáhtaidsearvi háliida áimmahuššat álbmoga beroštumiid ja advokáhtaid beaggima go bargat dan badjelii ahte min miellahtuin galgá leat alla fágalaš ja advokáhtaehtalaš  standárda. Danin šaddet min miellahtut geažos áigge čađahit lassioahpu man mii leat dohkkehan.

Norggas leat buohkat geat barget advokáhttan geatnegahttojuvvon čuovvut njuolggadusaid buori advokáhttavieru birra, man Advokáhtaidsearvi lea buvttadan.

Njuolggadusaid buori advokáhttavieru birra mii giehtaguššat váiddavuogádagas. Advokáhtaidsearvvi ráŋggáštanlávdegoddi meannuda buhtadusváidagiid ja váidagiid buori advokáhtavieruid rihkkumušaid.  Ráŋggáštanlávdegotti mearrádusat sáhttet guoddaluvvot almmolaš nammaduvvon ráŋggáštanlávdegoddái.

Min luohttevašolbmot

Advokáhtaidsearvvis leat badjel 400 advokáhta geat leat luohttámušolbmot. Sii gávnnahit ahte searvi lea beaktilis, váikkuhanfámolaš ja hávskás báiki gos sii sáhttet áŋgiruššat. Oallugat sis leat mielde iešguđetge lávdegottiin, gos sii leat fágalaš resursan ja ámmátlaš referánsan muđui advokáhttasuorgái. Advokáhtaidsearvi ovddida jahkásaččat maiddái gaskal 60 ja 80 gulaskuddancealkámušaid, ja leat nu mielde váikkuheamen boahttevaš láhkamearrádusaid.

Advokáhttasuorgi Norggas

Doaimmaid ja advokáhtaid lohku sturrodatšlája mielde

Advokáhtaid sohkabealjuohku

Bargodilálašvuohta, virgeráidalas ja čálgu

Miellahttologu ovdáneapmi – advokáhtta ja doaimmaheaddjit 1990-2012

Advokáhtaidsearvvi gulahallanolbmot

Merete Smith, Generálačálli, 97 02 95 97/ ms@advokatforeningen.no

Baard Ole Amundsen, Gulahallanhoavda, 22 03 50 50/ ba@advokatforeningen.no

BARGODILLI JA MÁRKAN

  • Advokáhttabálvalusaid oppalaš gávpemárkana sturrodat lei 2011:s oktiibuot 12 468 miljovnna.
  • Ealáhusdoaibma lea dat joavku mii buot eanemusat geavaha advokáhttabálvalusaid. Gávpejohtu ealáhusdoibmii lea 66 proseanta ollislaš gávpejorus.
  • SSB vuosiha muttolaš haddelassáneami juridihkalaš bálvalusdoaimmas go veardida eará sullasaš ealáhusšlájaiguin.

DOAIMMAID JA ADVOKÁHTAID LOHKU STURRODATŠLÁJA MIELDE

  • 1 advokáhtta: 1049
  • 2-5 advokáhta: 544
  • 6-10 advokáhta: 117
  • 11-50 advokáhta: 69
  • Badjel 50 advokáhta: 21

DIETNASAT ADVOKÁHTAID GASKKAS

60 % advokáhtain dinejit vuolil 1 milj. ruvnno, 12,5 % vuolil 0,5 milj. ruvnno

Dietnasiid juhkkojuvvon dienasšlájaid mielde:

  • Vuolil 0,5 milj. 12,5 %
  • 0,5-1 milj 48,6 %
  • 1-1,5 milj 17 %
  • Badjel 1,5 milj 21,9 %

ADVOKÁHTTASUORGGI STRUKTUVRA

  • Doaimmaid lohku lea mealgadit njiedjan 2009 rájes 2011 rádjai – earenoamážiid ovttaskasolbmo fitnodagat mat leat oassin advokáhtaid searvevuođas.
  • Doaimmaid logu njiedjan lea vuosttažettiin dáhpáhuvvan daid doaimmain main gávpejohtu lea vuolil 1 milj. ruvnno.
  • 25 stuorimus advokáhttadoaimmain gávpemárkanoassi  ahtanuššá – lassánan 40 proseanttas gitta 50 prosentii 2003 rájes.

SOHKABEALJUOHKU ADVOKÁHTAID GASKKAS

2003    2005    2007    2009    2011   

73%     73,4% 73,2%  68,9% 65,7%

27%     26,6% 26,8%  31,1%  34,3%

BARGODILLI, VIRGERÁIDALAS JA ČÁLGU

Vahkkosaš gaskamearálaš bargoáigi sohkabeliid ja virgešlájaid rastá lei 40,3 diimmu, ja lea njiedjan 42 diimmus 2010 rájes.

AKTIIVA MIELLAHTUT 1990-2012

  • Doaimmaheaddjit
  • Advokáhtat